അബുദാബി: ഐപിഎൽ താരലേലത്തിൽ മലയാളി താരം വിഘ്നേഷ് പുത്തൂരിനെ രാജസ്ഥാന് റോയല്സ് സ്വന്തമാക്കി. അടിസ്ഥാനവിലയായ 30 ലക്ഷം രൂപക്കാണ് ചൈനാമാന് സ്പിന്നറായ വിഘ്നേഷിനെ രാജസ്ഥാന് ടീമിലെത്തിച്ചത്.
കഴിഞ്ഞ സീസണില് മുംബൈ ഇന്ത്യന്സ് താരമായിരുന്നു വിഘ്നേഷ്. അരങ്ങേറ്റ മത്സരത്തില് ചെന്നൈ സൂപ്പര് കിംഗ്സിനെതിരെ 32 റണ്സ് വഴങ്ങി മൂന്ന് വിക്കറ്റ് വീഴ്ത്തി തിളങ്ങിയിരുന്നു. എന്നാൽ തുടർച്ചയായുള്ള പരിക്ക് തിരിച്ചടിയായി.
സഞ്ജു സാംസണ് രാജസ്ഥാന് റോയല്സില് നിന്ന് ചെന്നൈയിലേക്ക് എത്തിയതിനു പിന്നാലെയാണ് മറ്റൊരു മലയാളി താരം രാജസ്ഥാനില് എത്തുന്നത്. മലപ്പുറം പെരിന്തൽമണ്ണ സ്വദേശിയായ വിഘ്നേഷ് കേരള ക്രിക്കറ്റ് ലീഗിൽ ആലപ്പി റിപ്പിൾസിന്റെ താരമായിരുന്നു.